伊藤润二展香港站「人头气球」上线啦!

伊藤润二展香港站「人头气球」上线啦!

早前台湾举办嘅伊藤润二恐怖美学体验大展终于嚟到香港喇!漫画大师伊藤润二早以题材及画风吓人而负盛名,而当读者尝试深究其中,不难发现漫画中嘅「恐怖」全跟「人性」有关,其作品之深度可以媲美现当代文学作品,此乃后话。

当日主办方知道会嚟香港办展,仲邀请咗伊藤润二老师特地来港考察!听闻伊藤老师抵港后,最令佢心花怒放嘅竟然係……雪糕车?冇错!就係雪糕车!是次展览除咗承继台湾主办单位嘅经验,亦添加唔少香港元素,估唔到原来雪糕车都係其中一环。(详见伊藤润二作品《卖冰琪琳的车子》)

今次展出嘅内容包容伊藤润二30年创作生涯嘅经历,当然亦会展出同详细咁介绍佢多个经典作品,包括《富江》、《人头气球》、《至死不渝的爱》同埋《漩涡》等,完全可以满足各位Fans。

配合AR装置 恐怖程度更高

展区仲特设AR效果,展厅内容表面睇只係挂咗漫画中嘅分格页,但当你戴上会场特製嘅AR装置,分格页就唔止係一幅挂画咁简单……佢仲真係会活生生咁喺你眼前郁动起嚟,而且仲会有恐怖嘅声音配合,感觉可能比平时就咁睇漫画更强烈千倍。

设香港站独家专区

唔讲唔知,原来伊藤老师早期冇受过任何作画训练!佢当初由齿模技工转行画漫画,全靠自己一手一脚摸索出来!难怪同大部分漫画家习惯用嘅网点製作不同,老师更擅于利用唔同嘅画具去呈现自己想要嘅构图同意象,可谓独树一格。今次香港站会展出部份未曾面世嘅手稿,真正嘅漫画迷听到呢点已经把持不住吧?另一方面,今次展出伊藤老师更特地与策划团队合作,将其笔下多位主角与港景结合,製作成香港独家嘅街头恐怖画面,净係呢样都已经值得大家去欣赏啦!

人头气球打卡站 情侣必试

既然係情侣必试……笔者自己一个,就无谓多讲,总之大家一齐去试下个「恐怖拍照亭」啦(其实两个Friend都玩得嘅)。

伊藤润二展香港站「人头气球」上线啦!
◆ 未入场,先有相关产品得住你跌钱。伊藤润二展香港站「人头气球」上线啦!
◆ 今次会有AR效果配合,记得借set眼镜去感受下。伊藤润二展香港站「人头气球」上线啦!
◆ 场入有好多伊藤润二创作相关嘅资料同唔同作品介绍。伊藤润二展香港站「人头气球」上线啦!
◆ 后面架雪糕车咁熟面口嘅?伊藤润二展香港站「人头气球」上线啦!
◆ 仲有手稿展出。伊藤润二展香港站「人头气球」上线啦!
◆ 恐怖拍照亭?伊藤润二展香港站「人头气球」上线啦!
◆ 原来係将你同你个Friend变成人头气球……伊藤润二展香港站「人头气球」上线啦!
◆ 哗!上面好多人头气球呀!伊藤润二展香港站「人头气球」上线啦!
◆ 唔好埋嚟呀!伊藤润二展香港站「人头气球」上线啦!
◆ 点解呢位玩AR嘅小姐咁似富江嘅?

展出日期:至26日

展出时间:10:00 - 21:00(最后入场时间为20:00)

地点:PMQ元创方地下(中环鸭巴甸街35号)
门票:$100、$200套票(包括香港限定人头气球布袋(非卖品)、一个极具人气的吹气人头气球)

售票网站

官方网站

Facebook专页

上一篇: 下一篇: